Olarǵa 4 mlrd 234,1 mln teńge tólendi.
Qazaqstan Úkimeti jyl basynan beri qansha azamattyń eńbek quqyǵy qorǵalǵanyn aıtty, dep habarlaıdy Almaty-akshamy.kz.
Bıylǵy jylǵy 1 qarashadaǵy jaǵdaı boıynsha, memlekettik eńbek ınspektorlary respýblıkanyń 781 kásipornynda 18,9 myń jumyskerdiń aldynda 4 mlrd 359,2 mln teńgeden astam somaǵa jalaqy boıynsha bereshekti anyqtady.
Osy kásiporyndardyń basshylaryna oryndalýy mindetti 719 nusqama berilip, 130,1 mln teńgeden astam somaǵa aıyppul salyndy.
Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 17,2 myńnan astam jumyskerdiń quqyqtary qorǵaldy. Olarǵa 4 mlrd 234,1 mln teńge tólendi.