Saıası partıalardyń ókilderi «Saılaý barysyna qajetti teorıa men tájirıbe» taqyrybynda arnaıy oqý kýrsynan ótýde.
Ortalyq saılaý komısıasy janyndaǵy elektoraldy oqytý ortalyǵy uıymdastyrǵan sharaǵa elimizde tirkelgen barlyq partıanyń ókilderi qatysýda. Olar munda biliktiligin arttyryp qana qoımaı, saılaýdy ótkizýdiń birtutas úlgisin qalyptastyrýdy meńgeredi, dep habarlaıdy Almaty-akshamy.kz.
24 saǵattyq semınar partıa ókilderine óz quqyqtary men mindetterin tolyq túsinýge múmkindik bermek.
«Saılaý bastalǵannan beri tirkelý máselesi, odan keıin saılaýaldy úgit-nasıhatty júrgizý, jáne saılaý barysynda baıqaýshy retinde qatysý máselelerine basa nazar aýdaramyz. Óıtkeni keı jaǵdaıda osy máselelerdi zań júzinde júzege asyrý qıyndyq týdyryp jatady»,- deıdi QR OSK elektoratty oqytýdy uıymdastyrý bóliminiń mamany Túsip Rysbekov.