Qazaqstannyń OSK Jıgýlı Daırabaevtyń qujattaryn qabyldady

Prezıdent saılaýy 20 qarashada ótedi.

Jıgýlı Daırabaev «Aýyl» Halyqtyq-demokratıalyq patrıottyq partıasy» Respýblıkalyq kásipodaqtar birlestiginen prezıdenttikke kandıdat bolyp usynylǵany týraly qujattaryn OSK-na tapsyrdy, dep habarlaıdy Almaty-akshamy.kz.

«2022 jylǵy 5 qazanda Qazaqstan Respýblıkasynyń Ortalyq saılaý komısıasyna «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsıalyq Zańynyń 54 jáne 55-baptaryna, sondaı-aq «Qazaqstan Respýblıkasy Prezıdentiniń 2022 jylǵy 20 qarashaǵa taǵaıyndalǵan kezekten tys saılaýy boıynsha saılaý qujattarynyń nysandaryn belgileý týraly» Qazaqstan Respýblıkasy Ortalyq saılaý komısıasynyń 2022 jylǵy 23 qyrkúıektegi № 67/545 qaýlysyna sáıkes Jıgýlı Moldaqalyquly Daırabaevtyń «Aýyl» Halyqtyq-demokratıalyq patrıottyq partıasy» Respýblıkalyq kásipodaqtar birlestiginen Qazaqstan Respýblıkasynyń Prezıdenttigine kandıdat bolyp usynylǵany týraly kelesi qujattary usynyldy:

1. «Aýyl» Halyqtyq-demokratıalyq patrıottyq partıasy» Respýblıkalyq qoǵamdyq birlestiginiń joǵary organy otyrysynyń Qazaqstan Respýblıkasynyń Prezıdenttigine usyný týraly hattamasynan úzindi;


2. J.M. Daırabaevtyń Qazaqstan Respýblıkasynyń Prezıdenttigine kandıdat bolýǵa kelisimi týraly ómirbaıandyq derekteri qosa berilgen ótinishi;


3. Qazaqstan Respýblıkasy Ortalyq saılaý komısıasynyń shotyna saılaý jarnasynyń engizilgenin kýálandyratyn qujat;


4. Jeke basyn kýálandyratyn qujattyń kóshirmesi;


5. Joǵary bilimi týraly dıplomdardyń kóshirmeleri», - delingen OSK aqparattyq habarynda.