Qytaıdyń Shanhaı qalasynda ótip jatqan sadaq atýdan álem kýbogi kezeńinde Qazaqstan quramasy alǵashqy júldesine qol jetkizdi, dep habarlaıdy almaty-akshamy.kz olympic.kz-ke silteme jasap.
Bloktyq sadaq atýdan áıelder arasyndaǵy komandalyq jarysta Qazaqstan Estonıany 231:224 esebimen jeńip, qola medal ıelendi.
Odan bólek, shırek fınalda qazaqstandyqtar Ońtústik Koreıany 234:230 esebimen utyp, jartylaı fınalda Italıa quramasyna bir upaı aıyrmasymen ese jibergen.
Aıta keteıik, álem kýbogi kezeńinde Qazaqstan namysyn Adel Jeksenbınova, Vıktorıa Lán jáne Aıjan Seıdahmetova qorǵady.
Bul - sadaq atýdan Qazaqstan áıelder quramasynyń álem kýbogi kezeńderinde jeńip alǵan alǵashqy júldesi. Buǵan deıin bizdiń komanda kýboktik syndardan múlde medal almaǵan.