Shara “Esirtkige birge qarsymyz” atty esirtkige qarsy aılyq aıasynda ótkizilýde.
“RYH-MARAFON” spartakıadasy bes sport túrinen turady: 1000 metrge júgirý, shaǵyn fýtboldan týrnır, ústel tenısi, strıtbol jáne boýlıń, dep habarlaıdy Almaty-akshamy.kz Polisia.kz-ke silteme jasap.
"Spartakıadanyń ashylý saltanatynyń resmı bóliminen keıin kınologtar qyzmettik ıtterimen shyqty. Olardyń demonstrasıalyq jarysy rásimniń ereksheligine aınaldy. Marafonǵa barlyǵy 500-den astam adam qatysty, bul - Almatydaǵy túrli demalys ortalyqtarynyń jasóspirimderi men jastary. İs-shara birneshe bólikten turdy: konserttik baǵdarlama, jasóspirimder men jastardyń júgirisi, arqan tartys, asyq oıyny, sonymen qatar qaǵaz ben asfáltqa sýret salý baıqaýy. Jeńimpazdar gramotalarmen, medaldarmen jáne kýboktarmen marapattaldy. Al shara sońynda qatysýshylarǵa balmuzdaq berildi. Áserli is-sharany ótkizýge oryn usynǵan “Dınamo” DSO-ǵa alǵys aıtamyz", – dedi Almaty qalalyq PD Esirtki qylmysyna qarsy kúres basqarmasy bastyǵynyń orynbasary Saǵyndyq Aıaǵanov.