Shymkent ákiminiń burynǵy orynbasary Rýslan Berdenov Almaty Damý ortalyǵynyń basshysy bolyp taǵaıyndaldy, dep habarlaıdy Aqshamnews.kz.
Bul týraly onyń partıalasy Beıbit Álibekov Telegram-arnasynda jazdy.
«Bul — jobalyq ofıs. Olar Aıýsaı, Sharyn, Kólsaı óńirlerin kórkeıtip, Sandyq, Tary sekildi jobalardy iske qosty. Osyndaı tájirıbesi bar komanda Almatyǵa aýadaı qajet. Endi biz barlyq ıdeıalardy jyldam júzege asyryp, qoǵamdyq kólik, keptelis, ınvestısıa jáne týrızm baǵyttarynda naqty ister atqara alamyz dep senemin», — dep jazdy Álibekov 4 qazanda.
Aıta keteıik, bıyl 21 sáýirde Rýslan Berdenovke qarýly shabýyl jasalǵan bolatyn. Oǵan burynǵy «Turǵyn úı Shymkent» JSHS basshysy Ernar Jıenbaı bes ret oq atqan. Berdenovke shuǵyl ota jasalyp, aýrýhanaǵa jatqyzylǵan edi. Keıin Ernar Jıenbaı 9 jylǵa bas bostandyǵynan aıyryldy.
Tamyz aıynyń aıaǵynda Rýslan Berdenov Shymkent qalasy ákiminiń orynbasary qyzmetinen ketken bolatyn.