Óskemen qalasynyń prokýrory Vılorı Pan mas kúıinde jol apatyna túskennen keıin qyzmetinen bosatylyp, ákimshilik qamaýǵa alyndy, dep habarlaıdy Aqshamnews.kz tilshisi.
Shyǵys Qazaqstan oblysynyń prokýratýrasy málimdegendeı, V.Pan quqyq qorǵaý organdarynyń bedelin túsiretin áreket jasaǵany úshin «Quqyq qorǵaý qyzmeti týraly» zańǵa sáıkes prokýratýra júıesinen shyǵarylyp, «1-dárejedegi zańger» sheninen aıyryldy.
3 qazan kúni arnaıy ákimshilik sottyń sheshimimen Pan mas kúıinde kólik basqarǵany úshin kináli dep tanylyp, 20 táýlikke ákimshilik qamaýǵa jáne jeti jylǵa kólik júrgizý quqyǵynan aıyryldy.
Buǵan deıin taratylǵan aqparatqa sáıkes, ol jol apaty kezinde kóligimen sham baǵanasyna soǵylǵan.