Monetalar «Este qalatyn oqıǵalar men birtýar adamdar» atty serıamen shyqqan.
Qazaqstannyń Ulttyq banki 27 shildeden bastap ROZA BAǴLANOVA. 100 JYL koleksıalyq monetalary satylymǵa shyǵarylatynyn aıtty, dep habarlaıdy Almaty-akshamy.kz
Nomınaly 100 teńgelik melhıordan soǵylǵan monetalar qazaqtyń opera jáne estrada ánshisi Roza Baǵlanovanyń 100 jyldyǵyna arnalǵan.
Monetalar www.kazcoins.nationalbank.kz platformasynda Ulttyq banktiń ınternet-dúkeni arqyly satylady.
Monetanyń sıpattamasy
Moneta aversiniń ortalyq bóliginde Qazaqstannyń memlekettik eltańbasy beınelengen. Eltańbanyń oń jaǵy men sol jaǵynda oıý-órnek elementteri ornalasqan. QAZAQSTAN ULTTYQ BANKI • NATIONAL BANK OF KAZAKHSTAN degen jazý moneta jıegimen aınaldyra jazylǵan. Tómengi bóliginen monetanyń nomınalyn bildiretin 100 TEŃGE jazýyn kórýge bolady.
Moneta reversinde Roza Baǵlanovanyń sýreti, portrettiń sol jaǵynda mereıtoılyq datany bildiretin 100 JYL degen jazý bar, moneta jıeginde «Ah, Samara-gorodok» ániniń notalary, ROZA BAǴLANOVA degen jazý aınaldyra basylǵan, sol jaǵynda – monetanyń shyqqan jylyn bildiretin «2022» degen jazý bar.
MN25 qospasynan jasalǵan nomınaly 100 teńgelik monetanyń massasy – 15 gram, dıametri – 33 mm, daıyndaý sapasy – brilliant uncirculated, taralymy – 15 000 dana.
Moneta koleksıalyq quny turǵysynan satýǵa arnalǵan. Ony belgilengen qunyna saı Qazaqstannyń búkil aýmaǵynda barlyq tólem túri boıynsha, sondaı-aq bank shottaryna aýdarýǵa, Qazaqstannyń barlyq bankinde aýdarý, usaqtaý jáne aıyrbastaý úshin paıdalanýǵa bolady.
Koleksıalyq moneta Qazaqstannyń teńge saraıynda jasalǵan.