İs-sharaǵa kórnekti mádenıet jáne óner qaıratkerleri, jýrnalıser, aqparat salasynyń qyzmetkerleri qatysty. QR Mádenıet jáne aqparat mınıstri Aıda Balaeva sóz sóılep, qatysýshylardy merekemen quttyqtady, dep habarlaıdy aqshamnews.kz.
«Sizderdiń qajyrly eńbekterińizdi eskerip, Prezıdentimiz búgin memlekettik nagradalar týraly jarlyq shyǵardy. Bul barlyǵymyz úshin úlken súıinshi habar. Sebebi, ár adam úshin óz eńbeginiń baǵalanýy – úlken baqyt. Bul bizdiń salaǵa berilgen joǵary baǵa ári mártebe dep bilemiz», – dedi Aıda Balaeva.
Mınıstr QR Prezıdentiniń atynan eldiń damýyna eleýli úles qosqan birqatar mádenıet jáne óner salasynyń qaıratkerlerine marapattar tabystady. Atap aıtsaq, Memleket basshysynyń Jarlyǵymen belgili estradalyq ánshi Maıra İlıasovaǵa jáne «Astana Opera» memlekettik opera jáne balet teatry bas dırıjeriniń orynbasary Abzal Muhıtdınge «Qazaqstannyń halyq ártisi» ataǵy berildi.
Memleket basshysynyń Jarlyǵymen birqatar azamattarǵa «Parasat», İİ dárejeli «Dostyq», «Qurmet» ordenderi, «Eren eńbegi úshin» jáne «Shapaǵat» medaldary tabystaldy.
Sonymen qatar, elýden astam vedimistik nagradalar, qurmet gramotalary men alǵys hattar tapsyryldy.