Ońtústik Koreıada robot adamdy kókónis salynǵan qoraptan ajyrata almaı ezip, óltirip alǵan.
40 jastaǵy robototehnıka kompanıasynyń qyzmetkeri robotty tekserip jatqanda júıe jumysy buzylǵan, dep habarlaıdy Almaty-akshamy.kz.
Ońtústikkoreıalyq Yonhap aqparat agenttiginiń habarlaýynsha, robot er adamdy kókónis salynǵan qorappen shatastyryp, ony ustap alyp, konveıerlik taspaǵa jaqyndatyp, beti men keýdesin ezip jibergen.
Qyzmetkerdi aýrýhanaǵa jetkizgenimen, aman alyp qala almady.
Yonhap deregi boıynsha, qaıǵyly jaǵdaı buryshty sorttaý zaýytynda bolǵan. Qaza tapqan er adam 8 qarashaǵa josparlanǵan testileý aldynda robot jumysyn tekserip jatqan bolatyn. Robot burysh salynǵan jáshikti kóterip, palletke qoıýy kerek. Áýeli synaq 6 qarashaǵa josparlanǵan, biraq robotta qıyndyqtar týyndap, keıinge qaldyrylǵan.
Sársenbi kúni keshke robot-qoldy jasaǵan kompanıa qyzmetkeri mashınany tekserip jatqan sátte júıede irkilis bolady.
Zaýyt ıesi – Donggoseong aýylsharýashylyq kesheniniń resmı ókili málimdeme jasap, «naqty ári qaýipsiz» júıe jasaýǵa shaqyrdy.
Ońtústik Koreıada naýryzda osyǵan uqsas jaǵdaı bolǵan. Avtokólik bólshekterin shyǵaratyn zaýyttyń 50 jastaǵy jumysshysy robot-qoldyń jolynda qalyp, aýyr jaraqat alǵan bolatyn.