2023 jyldyń 10 aıynda el boıynsha barlyǵy 9 057 órt tirkeldi.
Onyń ishinde balalardyń otpen oınaýy sebebinen 209 órt boldy nemese jalpy órttiń 2,31%, dep habarlaıdy Almaty-akshamy.kz TJM-niń resmı saıtyna silteme jasap.
Kóbinese balalardyń otpen aralasýyna baılanysty órtter balalardy eresekterdiń qaraýynsyz qaldyrǵan kezde paıda bolady.
«Kishkentaı kórermenderdiń qaýipsizdik mádenıetin arttyrý úshin TJM aýmaqtyq bólimsheleri óz kúshterimen múltfılmder shyǵarady. Sońǵy jyldary TJ kezinde qaýipsiz júris-turys erejeleri boıynsha 10 múltfılm shyǵaryldy.
Sonymen, nazarlaryńyzǵa TJM-niń áleýmettik jelilerdegi resmı paraqshalarynda, sondaı-aq YouTube-arnada kórýge bolatyn «Balalardyń otpen oınaýy», «Otpen oınama, balaqaı» múltfılmderin usynamyz», - delingen TJM habarlamasynda.
TJM azamattardy turmysta kelesi qaýipsizdik erejelerin saqtaýǵa shaqyrady:
Sirińke men tutandyrǵyshty balalardyń qol jetpeıtin jerde saqtańyz. Eger qajet bolsa, balalar olardy bıikteý jerge qoısańyz da alýy múmkin.
Balalarǵa jalyn degen oıynshyq emes, ol tamaq pisirip, jylý beretin qural ekenin, muny tek úlken adamdar ǵana paıdalanatyny ekeni týraly úıretińizder.
Balalaryńyzdan sirińke men tutandyrǵyshty áperip jiberýin suramańyz. Balalar úlkenderge qarap, olardyń isin qaıtalaıtynyn umytpańyz.
Kishkentaı balalaryńyzdy olardyń taýyp alǵan sirińkeleri men tutandyrǵyshtaryn sizderge qaıtaryp berýine úıretińiz ári mundaı jaýaptylyq kórsetkin úshin olardy maqtap qoıý qajet.
Otpen oınaý saldarynan bolǵan oqıǵalardy nazardan tys qaldyrmańyz, atap aıtqanda kúıgen kıim, qaltalarynda júrgen sirińkeler men tutandyrǵyshtar.
Órt habarlaǵyshtaryn ornatyp, olardy otbasy múshelerimen birge únemi tekserip turyńyz, qýat beretin batareıasyn aýystyryńyz.
Balalardy órt shyqqan kezde úıden qalaı evakýasıalaý josparyn daıyndaýǵa tartyp, olarmen birge osy josparǵa sáıkes is-qımyl jasaýǵa jattyǵyńyz.
Balalardy únemi qadaǵalaý qajet, olardy tipti az ýaqytqa da jalǵyz qaldyrmaýǵa tyrysyńyz.