Iordanıa astanasy Amman qalasynda ótip jatqan Azıa chempıonatynda erkin kúresten qazaqstandyq Rızabek Aıtmuhan (97 keli) kúmis júldeger atandy, dep habarlaıdy aqshamnews.kz.
UOK málimetinshe, otandasymyz jartylaı fınalda ırandyq Mohammadmobın Azımıden basym tústi. Tartysty ótken beldesýde qazaqstandyq balýan 2:0 esebimen jeńiske jetti.
Rızabek fınalda japonıalyq Arash Óshıdamen beldesti.
Beldesý barysynda qarsylastar tartysty báseke ótkizdi. Alǵashqy mınýtta japonıalyq balýannyń belsendiligi baıqaldy. Ol qatarynan úsh upaı oljalap ketti.
Beldesýdiń ekinshi aınalymynda japonıalyq upaı qoryn tórt upaıǵa molaıtsa, Rızabek nebári bir ǵana upaıdy mise tutty.
Osylaısha qazaqstandyq balýan qarsylasyna 1:7 esebimen jeńilip, kúmis medaldi qanaǵat tutty.
Eki jyl buryn Azıa chempıonatnda atalǵan qarsylasynan 3:11 esebimen jeńilip qalǵan edi.