JEO basshylyǵynyń kinásinen jaǵdaı taǵy qaıtalandy
Shyǵys Qazaqstan oblysy Rıdder qalasynda jylý elektr ortalyǵyndaǵy bager stansıasynda apat boldy, dep habarlaıdy Almaty-akshamy.kz QazAqparatqa silteme jasap.
Bul týraly oblys ákimi Danıal Ahmetov áleýmettik jelidegi paraqshasynda jazdy.
«Rıdderdegi jylý elektr ortalyǵy basshylyǵynyń nemquraıdylyǵynan bager stansıasy qaıtadan sý astynda qaldy. Dál osyndaı jaǵdaı ótken jyldyń 5 qarashasynda bolǵan. Sol kezde merdiger uıymdardyń qyzmetkerleri mazýtty soryp alyp, barlyq agregattardyń jumysyn qalpyna keltirgen edi. Alaıda, JEO basshylyǵynyń kinásinen jaǵdaı taǵy qaıtalandy. Qazir bager stansıasynda apatty joıý jumystary júrgizilýde», - deıdi aımaq basshysy.
Onyń aıtýynsha, 4 motopompa, 4 sýasty sorǵy iske qosyldy.
Tótenshe jaǵdaı jónindegi shtabtyń aqparatyna sáıkes, 3-4 saǵat ishinde apat saldary joıylady.
«Rıdder turǵyndaryna alańdaýǵa esh negiz joq. Bul jaǵdaı ortalyqtyń jumysyna áser etpeıdi. Rezervtik jabdyq qosylǵan. JEO-dan jylý berý keste boıynsha júrgiziledi. Shtab mamandary apattyń sebepterin anyqtap jatyr», - dedi Danıal Ahmetov.