Ádilet mınıstri Azamat Esqaraevqa zańnamany jáne normatıvtik-quqyqtyq bazany odan ári jetildirý jóninde birqatar mindet júkteldi.
Memleket basshysy jańadan taǵaıyndalǵan mınıstrlerdi qabyldady, dep habarlaıdy Almaty-akshamy.kz Aqordaǵa silteme jasap.
Prezıdent Indýstrıa jáne ınfraqurylymdyq damý mınıstri Marat Qarabaevty, Ekologıa jáne tabıǵı resýrstar mınıstri Zúlfıa Súleımenovany, Mádenıet jáne sport mınıstri Asqat Oralovty, Oqý-aǵartý mınıstri Ǵanı Beısembaevty jáne Ádilet mınıstri Azamat Esqaraevty qabyldady.
Kezdesý barysynda Qasym-Jomart Toqaev mınıstrlikterdiń jaýapkershiligindegi memlekettik jáne salalyq baǵdarlamalardy, ulttyq jobalardy tıimdi júzege asyrýdyń mańyzdylyǵyna nazar aýdardy.
Memleket basshysy Indýstrıa jáne ınfraqurylymdyq damý mınıstri Marat Qarabaevqa geologıa jáne jer qoınaýyn paıdalaný salasyn retteý, kólik-logıstıka áleýeti men óńdeý ónerkásibin damytý, sondaı-aq turǵyn úı qurylysynyń kólemin arttyrý jumystaryn tapsyrdy.
Ekologıa jáne tabıǵı resýrstar mınıstri Zúlfıa Súleımenovaǵa sý máselesiniń saıasaty men tabıǵı resýrstardy retteý, kógaldandyrý jáne azamattardy ekologıalyq turǵyda tárbıeleý mindetteri júkteldi.
Mádenıet jáne sport mınıstri Asqat Oralovqa týrızmdi, buqaralyq sportty jáne mádenıet salasyn damytý jóninde birqatar tapsyrma berildi.
Prezıdent Oqý-aǵartý mınıstri Ǵanı Beısembaevqa "Jaıly mektep" ulttyq jobasynyń ýaqtyly júzege asyrylýyn qamtamasyz etý, sondaı-aq mekteptegi jáne mektepke deıingi bilim berý sapasyn arttyrý jóninde tapsyrma berdi.
Ádilet mınıstri Azamat Esqaraevqa zańnamany jáne normatıvtik-quqyqtyq bazany odan ári jetildirý jóninde birqatar mindet júkteldi.
Kezdesý sońynda Qasym-Jomart Toqaev azamattarmen tyǵyz jumys istep, olardyń máselelerin ýaqtyly sheshý qajet ekenin atap ótti.