Almaty oblysy TJD qyzmetkerleri balyqshyny jaǵaǵa jetkizýge kómektesti, dep habarlaıdy Almaty-akshamy.kz.
4 qańtar kúni saǵat 15:41-de Almaty oblysy TJD kezekshi bóliminiń púltine 103 kezekshi qyzmetinen 1973 jyly týǵan er adamnyń aýyryp qalǵany jáne ony tasymaldaý úshin kómek qajet ekendigi týraly habarlama kelip túsken.
«Shaqyrtý ornyna Almaty oblysy TJD Jedel-qutqarý jasaǵynyń 4 qyzmetkeri men 1 tehnıkasy dereý jiberildi. Shaqyrtý ornyna kelgennen keıin azamattyń 2023 jylǵy 4 qańtarda tańerteń Qapshaǵaı sý qoımasyna jaǵadan 1,5 shaqyrym qashyqtyqqa balyq aýlaýǵa shyqqany jáne azamattyń (gıpertonıamen aýyratyn) aýyryp qalǵany anyqtaldy», - dep jazdy vedomstvodan.
Qonaev qalasynyń jedel qutqarý jasaǵynyń kúshimen azamat jaǵaǵa jetkizilip, medısınalyq jedel járdem qyzmetkerlerine berildi.