Almaty qalasynyń Qylmystyq atqarý júıesi departamenti qarasty №11 mekemede jazasyn óteýshi jasóspirimder tárbıe bólimi qyzmetkerlerimen birlese otyryp, Respýblıka kúni qurmetine «Jasaı ber, jaınaı ber, Táýelsiz Qazaqstanym!» degen taqyrypta kezdesý ótkizdi.
Kezdesýge Jambyl atyndaǵy qalalyq jasóspirimder kitaphanasynyń qyzmetkeri Sh.Qumarova arnaıy kelip, qoldaý kórsetti. Bas bostandyǵynan aıyrylyp, jazasyn ótep jatqan jasóspirimder el, jer, Otan, otbasy týraly sezimin óleń shýmaqtary arqyly jetkizdi.
Olarǵa elimizdiń tarıhyndaǵy eleýli oqıǵalar vıktorınalyq suraq retinde qoıylyp, nátıjesinde balalardyń tanymdyq oı-órisi keńeıdi deýge bolady. Suraq-jaýap tanymdyq oıynyna belsendi qatysqan jastarǵa kitaptar men estelik syılyqtar tabystaldy.
İs-shara kitaphanashylar daıyndaǵan kitap kórmesimen túıindeldi. Al belsendi qatysqan jazasyn óteýshi jasópirimder «Maqtaý qaǵazben» marapattaldy. Mundaı is-sharalar jastardyń boıynda otansúıgishtik sezimdi qalyptastyryp, ómirge degen oń kózqaras pen bolashaqqa degen senimdi nyǵaıtady deıdi mekeme mamandary.