Mınıstrliktiń negizgi maqsattarynyń biri – sport ınfraqurylymyn damytý arqyly halyqtyń sportqa qoljetimdiligin arttyrý.
Elimizdiń barlyq sporttyq ınfraqurylymyna aýqymdy túgendeý júrgizildi. Onyń qorytyndysy boıynsha ár óńirde jumys istep turǵan obektilerdiń orta eseppen 20%-y talapqa saı emestigi anyqtalǵan, dep habarlaıdy almaty-akshamy.kz.
Osylaısha, júrgizilgen jumystyń nátıjesinde sporttyq ınfraqurylymǵa, atap aıtqanda aýyldyq eldi mekenderde asa muqtaj óńirlerdiń tizbesi aıqyndalady. Kelesi jyldan bastap «Modýldik úlgidegi tez salynatyn az shyǵyndy 100 sport nysan» jobasy iske qosý josparlanyp otyr.
Respýblıka boıynsha aldaǵy eki jylda 113 jańa sport nysany salynady, Memlekettik-jekeshelik áriptestik tetigin qoldana otyryp qoldanystaǵy 26 nysan qaıta jańartylady.
Almaty oblysynda olımpıadalyq daıyndyq bazasynyń qurylysy aıaqtalýda. Baza bir ýaqytta 2300 sportshyǵa 23 olımpıadalyq sport túrimen aınalysýǵa múmkindik beredi. Bul nysan jyl boıy jumys isteıdi. Ulttyq quramalar men oblystyq komandalar mańyzdy jarystar aldynda tolyqqandy oqý-jattyǵý jıyndaryn ótkize alady.
Elordada Ulttyq sport ýnıversıtetiniń qurylysy júrgizilýde, nysandy 2025 jyly qoldanysqa berý josparlanyp otyr. Ýnıversıtettiń iske qosylýy kadrlardy daıarlaýdyń bastapqy kezeńnen bastap, joǵary jetistikter sportyna deıingi úderisin úzdiksiz alýǵa yqpal etedi.