Saılaýshylardyń ádemi kıinýi men kóterińki kóńil-kúıi, joǵary uıymdastyrý deńgeıi jáne kóptegen baqylaýshylar: RF baqylaýshylary Almatydaǵy daýys berý barysyna oń baǵa berdi.
Almatydaǵy búgingi saılaý barysyna jalpyqalalyq baspasóz ortalyǵynyń brıfıńinde Týla qalalyq dýmasynyń 6-shy shaqylymynyń depýtaty, Dýma (RF) tóraǵasynyń orynbasary Evgenıı Smolánınov osyndaı baǵa berdi, dep habarlaıdy Almaty-akshamy.kz
«Maǵan uly Qazaqstan eline kelý baqyty buıyrdy, bilesizder me, men bizdi kútip alǵan, saparymyzdy uıymdastyrǵan adamdarǵa alǵys aıtqym keledi. Qazaqstannyń tarıhy tań qaldyrady. Búgin biz 11-ge jýyq bólimdi araladyq, eshqandaı eskertýlerdi baıqamadyq, barlyǵy zań aıasynda. Meniń bir ańǵarǵanym, adamdardyń óz saılaý ýchaskelerine jyly júzben, qýana kelip jatty. Adamdar ózderiniń Uly eliniń taǵdyryn sheshkisi keledi», - dedi spıker.
Sonymen birge, ol ýchaskelik komısıa músheleriniń ulttyq stılde óte ádemi etip jarasymdy kıingenin atap ótti.
«Men ártúrli partıalardan jáne bir mandatty kandıdattardan kóptegen baqylaýshylardy baıqadym. Al bul baqylaýshylar negizinen jastar, saılaýshylarǵa keletin bolsaq, tańerteń jasy úlken adamdar qatary kóbirek boldy, jastar túske taman uıqylarynan turyp, el taǵdyryn tańdaýǵa at salysýda. Ár ýchaskede ulttyq taǵamdar taratylyp, dastarhan jaıyldy», - dep jalǵastyrdy Smolánınov.
Jalpy, Almaty qalasyndaǵy saılaý ýchaskelerinde oń dınamıka baıqalady. Spıker bizdiń elder arasyndaǵy saılaý úderisinen eshqandaı aıyrmashylyq kórmedi. Ol Qazaqstanda saılaý joǵary deńgeıde uıymdastyrylǵan dep esepteıdi.
Sóz sońynda Reseı Federasıasynan kelgen spıker bir qyzyq oqıǵany aıtyp berdi, búgin bir almatylyq qart kelip, jas kezinde tańdaý quqyǵy bolmaǵanyn, qazir tańdaý quqyǵy bar ekenin aıtqan eken.