Erekshe qajettilikteri bar adamdar úshin qoljetimdi orta qalanyń barlyq saılaý ýchaskelerinde uıymdastyrylǵan. Belgili bir ýchaskelerde múgedek adamdardyń daýys berýine arnalǵan arnaıy kabınalar bar. Olar kádimgi kabınalarǵa qaraǵanda keńirek,-dep habarlaıdy Almaty-akshamy.kz
«Kabınalar keńirek bolýmen qatar, olar basqalar sıaqty bos orynsyz. İshinde ústel shamy, úlkeıtý áınegi, trafaretter, qulaqqaptar jáne sizge qajet nárseniń bári bar. Ýchastokke jaqyndaǵan kezde arnaıy joldar da jasaldy. Budan basqa, saılaý komısıasynyń múshelerimen aldyn ala bir nemese basqa adamǵa qalaı kómek kórsetý, búletender boıynsha qajetti aqparatty qalaı túsindirý kerektigi týraly nusqaýlyq ótkizildi», - dep habarlady №91 ýchaskelik komısıanyń tóraǵasy Ǵazıza Amanbaı.
Múmkindigi shekteýli azamattardy «Invataksı» saılaý ýchaskelerine jetkizedi. Saılaý kúni olardyń qajettilikterine sáıkes qalanyń barlyq aýdandaryna bólingen 100 birligi jumys isteıdi.
«Men saılaý ýchaskeleriniń múgedekterge qanshalyqty qoljetimdi ekenin kórý úshin saılaýǵa ózim kelýdi sheshtim. Saılaý ýchaskesi ornalasqan №72 mektepte QNjE sáıkes keletin taktıldi jol, pandýstar bar ekenin kórdim. Daýys berý kabınasynda bolǵan kezde men Braıl shrıftimen jazylǵanyn baıqadym. Iaǵnı, zaǵıptarǵa barlyǵy qoljetimdi. Endi biz ózimizdi kemtar retinde sezinbeımiz. Óıtkeni biz saılaýǵa basqalar sıaqty kelip, óz daýysymyzdy bere alamyz, óz ustanymymyzdy kórsete alamyz. Bul ınklúzıa»,-dep bólisti múgedekter arbasyna tańylǵan Merýert Qulahmetova.
Sonymen qatar, Almatyda múmkindigi shekteýli azamattardy tasymaldaý úshin qalanyń medısınalyq-áleýmettik mekemelerinen 10 avtokólik quralynyń kezekshiligi uıymdastyryldy. Tasymaldanbaıtyn saılaýshylar úshin 1196 portatıvti ýrna tartyldy, sonyń arqasynda olar úıde daýys bere aldy. Estý qabileti nashar azamattarǵa jesteý tili mamandary, sýrdologıalyq aýdarma qyzmetterin kórsetý kózdelgen. Osyndaı qyzmetterge jalpy sany 110 adam tartylǵan. Olardyń keıbireýleri saılaý ýchaskelerinde jumys istese, endi bireýleri saılaýshylarmen qashyqtan vıdeo arqyly baılanysady. Almatyda saılaý quqyǵyna ıe erekshe qajettilikteri bar 39 570 adam turady. Qalalyq TIK málimetteri boıynsha, 8 445 saılaýshy úshin daýys berýdiń erekshe sharttary qajet. Onyń ishinde kreslo-arbalardy paıdalanatyn 1 097 adam, 2 218 adamnyń estý qabileti nashar, kózi nashar kóretin 5 130 adam.