Reseıde bir táýlikte 3,5 myńǵa jýyq adamnan koronavırýs anyqtalǵan.
38 óńirde karantındik shekteýler engizildi, dep habarlaıdy Almaty-akshamy.kz.
Vırýs juqtyrǵandarǵa arnalǵan aýrýhanalarda oryn joq. Máskeý, Sankt-Peterbýrg qalalasynda qoǵamdyq oryndarda maska taǵý mindettelip, kompanıalar qashyqtan jumys isteý rejımine kóshti. Mamandar koronavırýspen birge shoshqa tumaýy da keń taralyp jatqanyn aıtady.
«Koronavırýsqa qarsy vaksına saldyrdym. Sondyqtan eshqandaı belgileri bolmady. Qazir maska taǵyp, aýrýdyń aldyn alý úshin áreket etip jatyrmyz. Biraq aınalamdaǵy adamdardyń bári, dostarym, jaqyndarym aýyryp jatyr. Óte qorqynyshty», - deıdi qala turǵyny Aleksandra Ivanova.