Reseıde ýaqytsha tirkeý merziminiń aıaqtalýy quqyq buzýshylyq bolyp sanalady.
Resmı Máskeý talaptary boıynsha, Reseıde júrgen Qazaqstan azamattary eńbek qyzmetin júzege asyrý úshin 2021 jyldyń 30 qyrkúıegine deıin Reseı Federasıasynda bolýyn zańdastyrý sharalaryn qabyldaýy kerek, dep habarlaıdy Almaty-akshamy.kz.
«Reseı Federasıasy Prezıdentiniń 15.06.2021 jylǵy №364 Jarlyǵyna sáıkes, Reseıdegi sheteldikter, onyń ishinde Qazaqstan azamattary, eńbek qyzmetin júzege asyrý úshin 2021 jyldyń 30 qyrkúıegine deıin Reseı Federasıasynda bolýyn zańdastyrý sharalaryn qabyldaýy kerek», – delingen Qazaqstan Respýblıkasynyń Reseı Federasıasyndaǵy elshiliginiń konsýldyq bóliminiń habarlamasynda.
Reseıde ýaqytsha tirkeý merziminiń aıaqtalýy quqyq buzýshylyq bolyp sanalady. Sonymen qatar, zańdy negizder bolǵan jaǵdaıda (jumys, oqý jáne t.b.) qazaqstandyqtar Reseıden shyqpaı, elde ýaqytsha bolý merzimderin uzartý úshin İİM organdaryna júginýge quqyly. Mundaı jaǵdaıda azamattarǵa jaýapkershilikke tartý sharalary qoldanylmaıdy.
Reseıde bolýdy zańdy túrde uzartýdan bas tartqan jáne elden ketkisi kelmegen jaǵdaıda, azamattarǵa qaıtyp kirý quqyǵysyz Reseıden kúshtep shyǵarý sharasy qoldanylýy múmkin.