Polısıa saqshylarynyń 98% astamy ekpe alǵan.
Almatyda polısıa qyzmetkerleri arasynda koronavırýs indeti taralmas úshin túsindirý jumystary júrgizilip jatyr, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, koronavırýstyq ınfeksıamen kúresýdiń alǵashqy qadamy erikti vaksınasıa boldy. Ony tártip saqshylar aǵymdaǵy jyldyń naýryz aıynda birinshi bolyp qabyldady. Búgingi kúni polısıa departamenti qyzmetkerleriniń 98%-dan astamy vaksınanyń eki komponentin de alyp úlgergen.
Sonymen qatar sanıtarlyq-epıdemıologıalyq normalar erejelerin saqtaý boıynsha aldyn alý jumystary turaqty túrde júrgiziledi. Koronavırýstyq ınfeksıanyń alǵashqy belgilerinde ózin qalaı ustaý kerektigi týraly tolyq nusqaýlyq bar arnaıy aqparattyq plakattar ázirlendi. Sondaı-aq COVID-19 taralýyn boldyrmaý úshin ǵımaratqa kire beriste Ashyq arnaıy qosymshasynyń QR kodtary ornatyldy.
Sonymen qatar ákimshilik ǵımarattardyń kireberisinde dene temperatýrasyn ólsheıtin jáne jalpy jaǵdaıdy tekseretin medısınalyq qyzmetkerler turady, aýdandyq bólimshelerde osy ınfeksıanyń alǵashqy belgilerinde júgingenderge alǵashqy medısınalyq kómek kórsetiletin medısınalyq kabınetter bar.