Bas bapker Ýrazbahtın 18 jastaǵy qaqpashy Sherhan Qalmurza týraly pikir bildirdi, - dep habarlaıdy Aqshamnews.kz tilshisi.
Komanda sapynda qaqpashylar árqashan erekshe ról atqarady. Bul joly negizgi jaýapkershilik jas qaqpashy Sherhanǵa júkteldi. Basshylyq pen bapkerler shtaby oǵan úlken senim artyp otyr.
Qaqpashylardyń daıyndyǵy ádette ózgeshe júredi. Bul baǵytta tájirıbeli maman Ilá Sergeevıch jumys istep jatyr.
"Qaqpashylar – bólek álem. Sondyqtan ol baǵytqa men aralaspaımyn, Ilá ózi aınalysady", – deıdi bas bapker Rafael Ýrazbahtın.
Jas qaqpashy ózin syrt alańdaǵy kezdesýlerde jaqsy qyrynan kórsete aldy. Eń bastysy, ol alańda qobaljyp, sasqalaqtaǵanyn bildirtpedi. Bul onyń minezi men kásibı daıyndyq deńgeıin kórsetedi.
Bas bapkerdiń aıtýynsha, Sherhanǵa artylǵan senim onyń kásibı damýy úshin úlken múmkindik bolmaq. Komanda jas qaqpashyǵa senip otyr, al ol jankúıerler men ujym úmitin aqtaýǵa tyrysady.
"Sherhanmen tikeleı jumys istegen emespin, biraq oǵan úlken jaýapkershilik tústi. Biz barynsha qoldaýǵa tyrysyp jatyrmyz", – deıdi fýtbolshy Egor Sorokın.
Aıta keteıik, erteń Almatydaǵy Ortalyq stadıonda ÝEFA Chempıondar lıgasynyń aıasynda "Qaırat" – "Real Madrıd" oınaıdy.