Keshe, 28 qyrkúıek Almaty áýejaıy men qonaqúı mańynda fýtbol jankúıerleri "Real Madrıd" oıynshylaryn ystyq yqylaspen qarsy alǵan edi. Jankúıerlerdiń erekshe qoldaýyna qatysty komanda oıynshysy Federıko Valverde pikir bildirdi, dep habarlaıdy Aqshamnews.kz.
Jartylaı qorǵaýshy mundaı jaıttyń olar úshin qalypty jaǵdaı ekenin jetkizdi.
"Iá, bul biz úshin qalypty jaǵdaı. Bizdi qalaı qarsy alǵanyn kórip, qatty qýandyq. Bizden alys elden qarsy alýshylardyń bolǵany – úlken qýanysh. Alys memleketke baryp, jankúıerlerimizdi kórý – biz úshin maqtanysh. Olarǵa jeńis syılaýǵa tyrysamyz, – dedi Valverde.
Sonymen qatar oıynshy aldaǵy machqa da toqtaldy:
"Biz kez kelgen oıynda jeńiske tabandylyq tanytamyz. Buǵan deıingi qatelikterdiń ornyn toltyrǵymyz keledi. Sol sebepti burynǵy senarıdi qaıtalaǵymyz kelmeıdi", – dedi ol.
Aıta keteıik, 30 qyrkúıek kúni Almatydaǵy Ortalyq stadıonda «Real Madrıd» pen «Qaırat» arasyndaǵy kezdesý ótedi.
28 qyrkúıek Almatydaǵy "Real" fanattary súıikti klýbyn áýejaı men qonaqúıde atoı salyp qarsy alǵan edi.