Erteń Almatyda ótetin tarıhı kezdesýge oraı baspasóz konferensıasynda "Real Madrıdtiń" qazirgi jaǵdaıy aıtyldy. Jýrnalıser "Real" keıingi eki oıynda jeńilgenine qatysty "Qaırat" bapkerinen pikir surady, - dep habarlaıdy Aqshamnews.kz tilshisi.
"Real óte sharshańqy, olar qatarynan eki ret utyldy, olar úshin daǵdarys. Almatyǵa Mbappe keldi, bul neni bildirýi múmkin?" - dep surady jýrnalıserdiń biri bas bapkerden.
"Qaırat" fýtbol klýbynyń bas bapkeri Rafael Ýrazbahtın te "Real" qyzý daıyndyqpen kelgenin atap ótti.
"Real" – álemdegi eń tanymal klýbtardyń biri, fýtboldaǵy naǵyz grand. Olardyń Almatyǵa tolyq qurammen kelý – zańdylyq. Qatarynan eki jeńilisten keıin bar aıbynyn bizge tógetindeı, qaıta qalpyna kelýge tyrysady dep oılaımyn. Bizge qarsy kezdesýdi olar ózderiniń namysyn qaıtarýdyń múmkindigi retinde kóredi".
Sondaı-aq, ol "Realdyń" uzaq jolyna qatysty pikir bildirdi.
"Bul fýtbolshylar úlken qysymǵa úırengen. Uzaq sapar nemese tyǵyz keste olardy álsirete qoımaıdy. Sondyqtan olardyń sharshańqy bolyp shyǵýy ekitalaı. Biz óz kezegimizde óz oıynymyzdy jalǵastyrýǵa tyrysamyz".