Bas prokýratýra qyz alyp qashýǵa qatysty qazaqstandyqtarǵa úndeý jasady, - dep habarlaıdy Aqshamnews.kz.
"Neke qıýǵa májbúrleý — bul adamnyń óz erkinen tys, qysym kórsetý nemese zorlyq-zombylyq arqyly nekege otyrǵyzylýy", - delingen habarlamada.
Bul jaǵdaı - adam quqyǵyn óreskel buzý.
16 shildede Qazaqstan Respýblıkasynyń Prezıdenti Qasym-Jomart Toqaev “Qylmystyq zańnamany ońtaılandyrý-jetildirý boıynsha keıbir zańnamalyq aktilerge ózgerister men tolyqtyrýlar engizý týraly” Zańǵa qol qoıdy.
Zań kúshine engennen keıin, Qylmystyq kodekste neke qıýǵa májbúrlegeni úshin jańa 125-1 bap tájirıbege engiziledi.
Bul bapta 10 jylǵa deıin bas bostandyǵynan aıyrý jazasy kózdelgen.
Neke - eki adamnyń erkin jáne sanaly kelisimimen qurylýǵa tıis.
"Azamattarǵa kelisimsiz qyz alyp qashýdyń dástúr emes, qylmys ekenin eskertemiz", - dedi prokýratýradaǵylar.