Búgin - dámi til úıirer «chıpsterdiń» týǵan kúni.
Osy kúni kópshiliktiń, ásirese, balalar men jastardyń súıikti tiske basaryna aınalǵan «chıpster» alǵash ret osydan 168 jyl buryn daıyndalǵan eken. 24 tamyz – «Qytyrlaq kartoptyń» týǵan kúni. Onyń shyǵý tarıhy mynandaı:
Qytyrlaq kartopty alǵashqy bolyp jasaǵan adam – Djordj Kram. Nú-Iork shtatynyń shaǵyn bir qalasynda Moon's Lake Lodge qonaq úıindegi meıramhanynyń qara násildi bas aspazy ony kezdeısoq ázirlegen. Qýyrylǵan kartopqa tapsyrys bergen kelýshilerdiń biri aspazshynyń usynǵan taǵamyn óte qalyń týralǵan dep jeýden bas tartqan. Sol kezde Kram kartopty qaǵazdyń juqalyǵyndaı etip týrap, tuz sebelep, ony qaınap jatqan maıda eki jaǵynan qýyryp «qytyrlaq» kúıinde usynǵan.
Aspazdyń tańdanysyna qaraı, qaıtadan ázirlengen taǵam klıenttiń kóńilinen shyqqan. Kóp uzamaı, «Saratoga chıpsteri» tanymal bola bastap, mekemeniń fırmalyq taǵamyna aınalǵan. 1860 jyly Kram óziniń jeke meıramhanasyn ashady jáne ol jerdiń as mázirinde únemi «qytyrlaq kartop» tabylatyn kórinedi.
Ótken ǵasyrdan beri kele jatqan chıpsterdiń búginde túr-túri bar. Tipti onyń balamasy retinde alma, almurt jáne ekzotıkalyq jemis-jıdekterden de jasalǵan túrleri de jaqsy tanys. Kınoǵa barǵanda, kóshede júrgende nemese jolǵa shyqqanda alyp júrýge yńǵaıly ári dámi til úıirer qytyrlaq kartop búgingi tańda kez kelgen dúken sórelerinen tabylady. Salmaǵy jeńil bolǵanmen, bul taǵamnyń adamnyń tisine, jalpy densaýlyǵyna keltirer zıany aıtylyp ta, jazylyp ta júr. Sondyqtan ony barynsha azyraq tutynyp, aǵzamyzǵa keltirer keri áserinen de saqtanyp júrgen abzal.