Antıvakserler óz isterine dinı senimderdi jıi paıdalanady.
Almaty qalalyq din isteri basqarmasynyń aqparattyq-túsindirý tobynyń múshesi, fılosofıa ǵylymdarynyń doktory Gúlnar Jumanova Óńirlik komýnıkasıalar qyzmetiniń brıfıńinde osyndaı pikirimen bólisti. Sonymen qatar teolog dindarlarǵa usynystar berdi, dep habarlaıdy Almaty-akshamy.kz.
«Halyqtyń kópshiligi ózderin dindarlar dep sanaıdy, olar úshin dinı senimder shynaıy. Antıvakserler muny óz isterine paıdalandy. Olar dinı senimder arqyly ózderiniń málimdemelerin, joramaldaryn, kúmándaryn, úreılerin kúsheıtedi, dáleldeıdi, aqtaıdy. Basqasha aıtqanda, olar dinniń bedelin óz isterine paıdalanady», - dedi teolog.
G. Jumanovanyń aıtýynsha, barlyq dinderdiń biryńǵaı ádisi bar: máseleniń mánin túsiný úshin mamandarǵa júginý qajet. Ol qasıetti kitaptar – Quran men Bıblıadan úzindiler keltirdi:
«Eger sizge bireý sýyt habar jetkizse, onda eshkimge zıan keltirmeý jáne jasaǵan isińizge ókinbeý úshin onyń shynaıylyǵyn bilýge tyrysyńyz». (Quran 49: 6 (Bólmeler).
«Bilmegenińizdi biletin bilim ıelerinen surańyz» (Quran. an-Nahl / Aralar 16:43).
«Rasynda, bilimsizder óz áreketterimen ózgelerdi adastyrady» (Quran. Ál-An'am / Tamaq 5:119).
G. Jumanova din qyzmetkerleri pikiriniń bedeldi ekenin ári jurtshylyqqa úlken áseri baryn atap ótti.
«Bizdiń teologtar – aqyldy, saýatty, bilimdi adamdar, olar máseleniń mánin túsinedi. Olar ózderiniń densaýlyǵy men ál-aýqatyn, sondaı-aq jaqyndarynyń amandyǵyn saqtaýǵa múddeli. Olar qalyptasqan jaǵdaıdy durys túsinedi ári adamdardyń denderiniń saý, tolyqqandy ómir súrýleri úshin ekpe alýǵa shaqyrady. Teologtar mamandarǵa, dárigerlerge senedi. Biz – zaıyrly memleketpiz, ıaǵnı memleket dinnen bólingen. Sondyqtan olar biriniń isine biri aralaspaıdy. Biraq, memlekettiń de, dinniń de múddesi ortaq. Ol – halyqtyń ómiri men densaýlyǵy», - dedi dintanýshy G. Jumanova.
Almaty qalasy din isteri basqarmasynyń ókili vaksınalanýdan bas tartýdyń esh dinı sebepteri joq ekenin túsindirdi. Onyń pikirinshe, Muhammed Paıǵambar kezinde vaksına bolmaǵan, sondyqtan Quranda jáne súnnette vaksınalanýǵa naqty tyıym nemese qoldaý aıtylmaǵan.
«Ár kásiptiń óz mamandary bar. Vaksınalaný týraly dıletant emes, mıkrobıologıa, epıdemıologıa, vırýsologıa salasynda tereń bilimi bar, ǵalym-maman ǵana aıtýy tıis», - dep qorytyndylady sózin G. Jumanova.