23 qarashada Úrimshi qalasynda Shanhaı Yntymaqtastyq Uıymynyń (SHYU) «Týrızm jyly 2023» forýmy bastaldy, oǵan qazaqstandyq delegasıa qatysty. SHYU-ǵa múshe memleketter basshylary Keńesiniń 2023 jylǵy 4 shildedegi otyrysynda 2023-2024 jyldarǵa arnalǵan tóraǵalyq (2023 jylǵy 5 shilde – 2024 jylǵy maýsym) Qazaqstanǵa (Úndistannan) ótti, al Almaty qalasyna mádenı jáne týrısik astana mártebesi berildi, dep habarlaıdy almaty-akshamy.kz.
Óz sózinde Almaty qalasy ákiminiń orynbasary Álisher Ábdiqadyrov atap ótkendeı, Almaty- elimizdiń qarjy, mádenı jáne týrısik ortalyǵy dep tanylǵan Qazaqstannyń eń iri megapolısi. Almatynyń úlesine el JİÓ-niń besten bir bóligi (2023 jyldyń İ jartyjyldyǵynda 20,1%) jáne Qazaqstan Respýblıkasy búdjetiniń barlyq kiristeriniń tórtten birinen astamy (2023 jyldyń 9 aıynda 28,2%) tıesili. Qala óziniń baı tarıhı murasyna, kóp mádenıettiligine jáne taý klasterine 20 mınýttyq qoljetimdilikte biregeı tabıǵı ornalasýyna baılanysty týrısik salany, atap aıtqanda taý, iskerlik, mádenı jáne sporttyq týrızmdi damytý úshin úlken áleýetke ıe. Búgingi tańda Almatyda álemniń 77 elimen 45 tikeleı áýe qatynasy jáne vızasyz rejımi bar.
«Qazirgi ýaqytta Almatyda týrızm salasy pandemıaǵa deıingi deńgeıge jetti. 2023 jyldyń 1 jartyjyldyǵynyń qorytyndysy boıynsha qalaǵa 261,6 myń sheteldik týrıs keldi, bul 2018 jyldyń sáıkes kezeńinen 62,8% - ǵa artyq. Aǵymdaǵy jyly kelgen týrıserdiń 70% – ǵa jýyǵy SHYU elderinde turatyn azamattar ekenin atap ótkim keledi. Qazaqstan men Qytaı arasyndaǵy vızasyz rejımdi engizý, SHYU - nyń mádenı jáne týrısik astanasyn Almaty dep jarıalaý jáne 2024 jyldy Qytaıdaǵy Qazaqstannyń týrızm jyly dep jarıalaý sıaqty birqatar negizgi halyqaralyq oqıǵalar týrızmdi damytýǵa jáne elder arasyndaǵy syndarly dıalogty odan ári nyǵaıtýǵa erekshe ári kúshti serpin bered», - dedi Álisher Ábdiqadyrov.
Almatyǵa 2023 jyldyń alty aıynda 261 571 sheteldik týrıs keldi, onyń ishinde SHYU-ǵa qatysýshy elderden 180 113 (68,8%) týrıs: Reseıden - 109 598 adam, QHR - 15 694 adam, Úndistannan - 18 309 adam, Ózbekstannan - 12 816 adam, Qyrǵyzstannan - 14 386 adam, Tájikstannan - 7 585 adam., Pákistannan - 732 adam, Irannan - 993 adam.
Búgingi tańda Almatynyń aldyna ishki jáne syrtqy týrızmdi damytý, sondaı-aq tartymdy, básekege qabiletti týrısik baǵyt retinde qalanyń oń ımıjin qalyptastyrý maqsattary qoıyldy. 2024 jyly Almatyǵa 520 myńnan astam sheteldik týrıs, 2030 jylǵa qaraı mıllıonǵa deıin adam keledi dep josparlanýda.
SHYU forýmy aıasynda birqatar paneldik sesıalar ótti, sonyń ishinde Shanhaı Yntymaqtastyq Uıymyna múshe elderde turaqty týrızmdi ilgeriletý boıynsha. Ornyqty týrızm, sondaı-aq ekologıalyq turaqty nemese jaýapty týrızm retinde belgili, salanyń qorshaǵan ortaǵa teris áserin azaıtýǵa, bıoártúrlilik pen mádenı murany saqtaý boıynsha sharalar qabyldaýǵa, áleýmettik qatynastar men jergilikti qoǵamdastyq ekonomıkasyn damytýǵa baǵyttalǵan. Ornyqty týrızmniń negizgi ıdeıasy kelýshilerdiń qajettilikteri men tabıǵatty, mádenıetti jáne destınasıalyq ekonomıkany saqtaý arasyndaǵy tepe-teńdikti qamtamasyz etý bolyp tabylady.
