Almaty ákimi Darhan Satybaldynyń Beıjiń qalasyna jasaǵan jumys sapary barysynda China Professionals-Workers International Travel Service Head Office (CPITS) kompanıasynyń ókilderimen kezdesý ótti. Kezdesý nátıjesinde týrızm salasyndaǵy yntymaqtastyq týraly memorandýmǵa qol qoıyldy, dep habarlaıdy aqshamnews.kz
Qujat Qytaı Halyq Respýblıkasynan Almatyǵa jyl saıyn 50 myńǵa deıin týrıser aǵynyn uıymdastyrýdy jáne úılestirýdi kózdeıdi. Kelisim eki jaqty týrızmdi damytýǵa, mádenı baılanystardy nyǵaıtýǵa jáne Almatyny Ortalyq Azıadaǵy jetekshi týrısik baǵyttardyń biri retinde ilgerletýge baǵyttalǵan. Aldyn ala esep boıynsha, bir qytaılyq týrısiń qonaqúıge ornalasý, tamaqtaný, ekskýrsıalar jáne satyp alýlarǵa jumsaıtyn shyǵyny orta eseppen 1 500 AQSH dollaryna barady.
Osylaısha, 50 myń týrıs qabyldaýdan kútiletin ekonomıkalyq áser jylyna shamamen 75 mln AQSH dollary bolmaq. Bul qalanyń ekonomıkasy, qyzmet kórsetý salasy jáne shaǵyn bıznes úshin aıtarlyqtaı serpin beredi.
Almaty ákimi Darhan Satybaldy memorandýmnyń mańyzdylyǵyn atap ótti: «Almaty óńirdegi týrısik kartada árdaıym jetekshi orynǵa ıe. Qytaıdan keletin qonaqtardy tartýda úlken áleýet bar ekenin kórip otyrmyz. Bul kelisim uzaq merzimdi seriktestikke jáne ózara tıimdi yntymaqtastyqqa negiz bolady dep senemiz», dedi ol.
CPITS — Qytaıdaǵy eń iri týroperatorlardyń biri. Kompanıa Almatyǵa uıymdastyrylǵan týrısik toptardy qalyptastyrý jáne týrısik baǵdarlamalardy ilgerletý jumystaryn júzege asyrady. Kelisimdi iske asyrý aldaǵy týrısik maýsymda bastalady.