Almatyǵa sheteldik jáne ishki týrıser tarapynan aıtarlyqtaı qyzýshylyq artyp otyr, dep habarlaıdy aqshamnews.kz
Bul marketıńtik naýqandar nátıjesimen, áýe qatynasynyń keńeıýimen jáne halyqaralyq kórmelerde belsendi jumystarmen dáleldenip otyr. Bul jóninde Almatynyń Týrızm basqarmasynyń ókilderi habarlady.
Bıylǵy jyldyń alǵashqy jartyjyldyǵynda Almatyǵa kelgen qonaqtar sany aıtarlyqtaı kóbeıgen. Ekinshi toqsannyń ózinde qalaǵa 1,1 mıllıonnan astam týrıs kelgen. Onyń ishinde 323,5 myńy – sheteldik, al 816,5 myńy – ishki týrıser. Sheteldik kelýshiler arasynda Úndistan (56,2 myń adam) men Qytaı (54,1 myń adam, ótken jylmen salystyrǵanda ósim – 33,4%) kósh bastap tur. Sonymen qatar, týrıserdiń negizgi legi Túrkıa (17,9 myń), Ońtústik Koreıa (9,7 myń), AQSH (9,6 myń), BAÁ (6,7 myń) jáne Germanıadan (6,4 myń) kelip otyr.
Týrızm basqarmasy ókilderiniń aıtýynsha, halyqaralyq týrızmniń damýyna jańa áýe baǵyttarynyń ashylýy (jańa reısterdiń ashylýy men áýe kompanıalarymen jasalǵan memorandýmdar), sondaı-aq salalyq kórmelerdegi tanystyrýǵa baǵyttalǵan jumystar men áýejaıdaǵy promo-aksıalar (brendtelgen kádesyılar men aqparattyq materıaldardy taratý, jańa reıster iske qosylǵan kezde «Tátti syılyq» aksıasy jáne t.b.) sebep bolǵan.
2025 jyly Almaty CNN arnasynyń nusqasy boıynsha eń úzdik týrısik baǵyttardyń biri dep tanylyp, Booking.com platformasynyń trendtik reıtıńterine endi. Bul da qalanyń halyqaralyq deńgeıdegi tanymaldyǵyn arttyra tústi.
Buǵan qosa, Almatyda halyqaralyq ınfo-týrlar men iskerlik B2B-kezdesýler júıeli túrde uıymdastyrylyp keledi. Tek bes iri kórmege (Gýanchjoýdaǵy GITF, Shanhaıdaǵy ITB, Seýldegi SITF, Gonkongtaǵy ITE, Beıjińdegi BITE) qatysý nátıjesinde sheteldik seriktestermen 150 kelisim jasaldy. Bul kelisimder bolashaqta shamamen 159 myń týrıs tartýǵa múmkindik beredi.