ISU-diń 31-shi Dúnıejúzilik stýdenttik oıyndary Qytaıdyń ońtústik-batysyndaǵy Sychýan provınsıasynyń Chendý qalasynda ótedi
QR Ǵylym jáne joǵary bilim mınıstrliginiń habarlaýynsha , 28 shilde men 8 tamyz aralyǵynda bolatyn ýnıversıadada 11 sport túrinen 93 qazaqstandyq sportshy baq synaıdy. El quramasy elimizdiń 26 joǵary oqý ornynyń stýdentterinen jasaqtalǵan. Stýdenttik oıyndar qatarynda sadaq atý, oq atý, jeńil atletıka, sporttyq gımnastıka, dzúdo, kórkem gımnastıka, ústel tenısi, taekvondo, ý-shý, júzý, semserlesý bar, dep habarlaıdy Almaty-akshamy.kz.
Ýnıversıadada 269 medal jıyntyǵy sarapqa salynady. Álemniń túkpir-túkpirinen jınalǵan on myńnan astam sportshy osy marapattar úshin baq synaıtyn bolady.
Ýnıversıada jarystary «Armandar Chendýde shyndyqqa aınalady» uranymen ótse, boıtumary 2019 jyldyń 30 jeltoqsanynda tanystyrylǵan «Ronq Bao» pandasy boldy.
Esterińizge sala keteıik, 27 shilde kúni saǵat 20:00-de (Chendý qalasynyń ýaqyty boıynsha) sport qalashyǵynda qatysýshy memleketterdiń týlaryn kóterý rásimi ótedi.