Aptasyna 45 mln adam indet juqtyrady.
DDU COVID-19 vırýsy budan bylaı tótenshe qaýip týdyrmaıtynyn málimdegen, dep habarlaıdy Almaty-akshamy.kz
Bloomberg basylymyna silteme jasap habarlaǵan DataHub telegram arnasynyń aqparatyna sáıkes, Qytaıda kezekti reti koronavırýs órshýi múmkin.
Basylymnyń málimetinshe, mamyr aıynyń sońynda jańadan indet juqtyrǵandar sany aptasyna 45 mln-ǵa, al bir aıdan keıin tipti 65 mln-ǵa jetýi múmkin.
«Vırýstyń qaıta órshýiniń birneshe sebebi bar. Atap aıtqanda, Qytaıdyń pandemıaǵa qarsy COVID Zero saıasatynyń toqtaýy, aldyńǵy tolqyndardan keıingi ujymdyq ımýnıtettiń álsireýi jáne Omıkron shtamynyń taraýy indetti qaıta órshitýi ǵajap emes», – dep jazady basylym.
5 mamyr kúni Dúnıejúzilik densaýlyq saqtaý uıymy COVID-19 vırýsynyń budan bylaı tótenshe qaýip týdyrmaıtynyn málimdegen edi. Sol kezde Qazaqstandaǵy syrqattaný statısıkasynyń da jarıalanýy toqtady. Sonymen qatar, Densaýlyq saqtaý mınıstrliginiń Sanıtarlyq-epıdemıologıalyq baqylaý komıtetiniń arnasynda bul týraly aıtylmaı ketti.