Qytaı ǵarysh stansıasyn iske qosý jumystaryn jalǵastyrady
Seısenbide Qytaı óziniń orbıtalyq stansıasymen túıisetin «Tánchjoý-4» júk kemesin ushyrdy. Bul týraly Qytaıdyń basqarylatyn kosmonavtıka baǵdarlamasynyń keńsesi (CSMA) málimdedi, dep habarlaıdy Almaty-akshamy.kz Inform.kz-ke silteme jasap.
Habarlamaǵa sáıkes, «Tánchjoý-4» ǵarysh kemesi seısenbide Qytaıdyń ońtústigindegi Haınan provınsıasyndaǵy Venchan ǵarysh aılaǵynan «Chjanchjen-7» zymyran tasyǵyshymen orbıtaǵa shyǵaryldy.
«Tánchjoý-4» QHR orbıtalyq stansıasyna alty aılyq ǵaryshkerlerge arnalǵan qordy, stansıaǵa qyzmet kórsetýge arnalǵan qosalqy bólshekterdi jáne ǵaryshtyq zertteýler júrgizýge arnalǵan jabdyqtardy jetkizedi.
Orbıtalyq keshen «Tánhe» ǵarysh stansıasynyń negizgi modýlinen jáne «Tánchjoý-3» júk kemesinen turady.
Maýsym aıynda basqarylatyn «Shenchjoý-14» ǵarysh kemesi ushyrylady. Ol úsh taıkonavty (QHR-da ǵaryshkerlerdi osylaı ataıdy) orbıtalyq stansıaǵa jetkizedi, olar Qytaı ǵarysh stansıasyn iske qosý jumystaryn jalǵastyrady jáne alty aı orbıtada bolady.