Jańa mıneral tússiz móldir baǵanaly krıstaldan turady
Qytaı ǵalymdary Jerge 2020 jyly ákelingen Aıdaǵy topyraqtyń úlgisin zertteý barysynda jańa mıneraldy tapty, dep habarlaıdy Almaty-akshamy.kz BAQ.KZ-ke silteme jasap.
Sınhýa agenttigi taratqan derekterge sáıkes, ol adamzattyń Aıdy zertteý tarıhynda anyqtalǵan altynshy mıneral bolyp otyr.
Osy jańalyqtyń arqasynda Qytaı Aıdan jańa mıneral tapqan álemdegi úshinshi memleketke aınaldy. Jańa mıneral tússiz móldir baǵanaly krıstaldan turady jáne «Chane tasy» degen ataýdy ıelendi.
"Chane tasy» Halyqaralyq mıneralogıalyq qaýymdastyqtyń jańa mıneral ataýy men jikteý boıynsha komısıanyń sheshimine sáıkes jańa mıneral retinde resmı maquldandy", - dep atap ótti zertteýshiler.
2020 jyly qytaılyq «Chane-5» zondy Jerge salmaǵy 1731 gram shamasyndaǵy topyraq úlgisin Aıdan alyp kelgen. Ol adamzat sońǵy 40 jyldan astam ýaqytta beri ákelgen alǵashqy topyraq úlgisi.