Qyrkúıekte Qazaqstanda elektr energıasynyń tarıfi ósedi. Bul týraly Tabıǵı monopolıalardy retteý komıteti tóraǵasynyń mindetin atqarýshy Asqat Japsarbaı málimdedi, dep habarlady almaty-akshamy.kz
Asqat Japsarbaıdyń aıtýynsha, elde elektr energıasynyń qymbattaýyna Energetıka mınıstrliginiń energıa óndirýshi uıymdar úshin shekti tarıfti 15%-ǵa kóterýi sebep boldy.
«Bul ósim qazaqstandyqtarǵa aýyr tımeý úshin jumys istep jatyrmyz. Shamamen qyrkúıekten bastap ósim bolady. Keı óńirlerde elektr energıasynyń quny maýsymda qymbattady, keı jerde kúzde ósedi dep kútilýde», – dedi Asqat Japsarbaı.
Ol bıyl elektr jabdyqtaý baǵasy orta eseppen 10%-ǵa óskenin aıtty. Sebebi shildede Energetıka mınıstrligi JEK paıdalanýdy qoldaýǵa ústeme engizgen. Saldarynan EÓU tarıfteri ortasha eseppen 7,2%-ǵa ósti. Sondyqtan 2021 jyly baǵa 3,5%-ǵa artýy múmkin.