«Ashyq kóshbasshysy» dep tanylǵan Almaty dámhanasynyń dırektory barlyq azamattardy, ásirese aǵa býyn ókilderin vaksınalanýǵa shaqyrady.
Almaty qalasynyń Óńirlik komýnıkasıalar qyzmetiniń alańynda qalalyq «Estpovod» kafesiniń dırektory Lıana Sıdorova baıandama jasady. Ol óz mekemesinde jumys istegen kezinde «sary» mártebesi bar kelýshiniń qalaı anyqtalǵanyn aıtty, dep habarlaıdy Almaty-akshamy.kz.
Sanıtarlyq-epıdemıologıalyq baqylaý departamentiniń málimeti boıynsha, Almaty qalasynda Ashyq jobasynda 6486 qatysýshy bar, taǵy 5541 nysan erikti túrde qatysady. Ashyq kóshbasshylary - 105 qatysýshy.
29 shildeden 5 tamyzǵa deıingi kezeńde Ashyq jobasy boıynsha jumys isteıtin kásipkerlik nysandardyń kireberisinde skanerleý nátıjesinde 1 239 turǵyn úshin «qyzyl» jáne 194 almatylyqta «sary» mártebe tirkeldi.
Barlyǵy 28 sáýir men 15 tamyz aralyǵynda Almaty qalasynda «qyzyl» mártebesi bar 387 jeke tulǵaǵa oqshaýlaý rejımin buzǵany úshin 30 AEK mólsherinde aıyppul salyndy.
«Estpovod» kafesiniń dırektory Lıana Sıdorova Ashyq jobasynyń alǵashqy kezeńine qalaı qosylǵanyn aıtty. Qoǵamdyq tamaqtandyrý ókili bul qosymshany iske asyrý qıyn bolǵanyn jáne ony keıbir qonaqtar túsinbegenin rastady.
«Ýaqyt óte kele qosymsha jaqsaryp, ornyqty. Jalpy ony banktik qosymshaǵa beıimdeý arqyly jumys isteý yńǵaıly. Bizdiń qonaqtar onyń nusqasyn jıi qoldanady, óz mártebesin kóredi jáne kafege kiredi», - deıdi L. Sıdorova.
Kafe dırektory ózderiniń joba kóshbasshylary ekenine rıza, sonyń arqasynda jumystaryn eki saǵatqa uzarta aldy. Bul shyǵyndardy azaıtýǵa, qala turǵyndarynyń jumystan keıin keshki kafege kelip, as ishýlerine múmkindik berdi.
Lıana Sıdorova bir kúni olardyń kafesine «sary» mártebeli qonaqtyń qalaı kelgeni týraly aıtyp berdi.
«Olar maǵan qońyraý shalyp, «sary» mártebeli bir kelýshini anyqtaǵandaryn, biraq onyń keri aınalyp, ketip qalǵanyn aıtty», - dedi kafe dırektory.
L. Sıdorova bul jobaǵa kafeler, iri saýda úıleri ǵana emes, jeke dúkenderdiń de qosylǵanyna qýanyshty ekenin aıtty.
«Jaqynda men balamdy mektepke daıyndaý úshin aıaq kıim dúkenine bardym. Olar maǵan Ashyq arqyly kirý kerektigin aıtty», - dedi spıker.
L. Sıdorova bul jobanyń arqasynda qaýipsiz aımaqta jumys isteýge bolatynyn basa aıtty. Onyń aıtýynsha, kafeniń barlyq qyzmetkerleri KVI-den alǵash vaksınalanǵandardyń biri boldy.
«Bizdiń qyzmetkerler vaksına Almatyǵa kelgen boıda egildi. Bul buqaralyq tolqýdyń aldynda da boldy. Men de vaksına aldym, sondyqtan ózime senimdimin. Jaqyndarym da aman. Bul men úshin óte mańyzdy», - dedi L. Sıdorova.
Ol tek ujymdyq ımmýndaý burynǵy ómir saltyna oralýǵa múmkindik beretinin atap ótti.