Bul eldiń ekonomıkalyq qaýipsizdigin qamtamasyz etý úshin jasalǵan
Qyrǵyzstannyń Ulttyq banki komersıalyq bankter, aıyrbastaý búrolary, mıkroqarjy jáne mıkrokredıttik kompanıalar arqyly qolma-qol dollar valútasyn elden shyǵarýǵa ýaqytsha tyıym saldy, dep habarlaıdy Almaty-akshamy.kz QazAqparatqa silteme jasap.
Qyrǵyzstan Ulttyq bankiniń baspasóz qyzmeti taratqan málimette qolma-qol shetel valútasymen operasıa jasaýǵa ýaqytsha shekteýler jasalǵan.
«Qyrǵyzstan Respýblıkasynyń ekonomıkalyq qaýipsizdigin qamtamasyz etý jáne ishki valúta naryǵyndaǵy jaǵdaıdy turaqtandyrý maqsatynda eldiń Ulttyq banki basqarmasy 11 naýryzda «Komersıalyq bankterge, aıyrbastaý búrolaryna, respýblıkanyń mıkroqarjy jáne mıkrokredıttik kompanıalaryna qatysty qolma-qol shetel valútasymen operasıa jasaýǵa ýaqytsha shekteýler týraly» qaýly qabyldady», - delingen habarlamada.
Osy qaýlyǵa sáıkes, Qyrǵyzstan Ulttyq bankiniń lısenzıasy bar kombankter, aıyrbastaý búrolary, mıkroqarjy jáne mıkrokredıttik kompanıalarǵa 2022 jylǵy 11 naýryz kúni saǵat 17:30-dan bastap AQSH dollaryn Qyrǵyzstannan tys jerlerge áketýge ýaqytsha tyıym salyndy.