Kúdiktiler qamqorlyq kórsetýge jáne Aqmola oblysynyń bıznesmenderiniń arasyndaǵy múliktik daýdy sheshýge ýáde bergen
Uıymdasqan qylmysqa qarsy kúres bólimsheleri arnaıy jedel-izdestirý is-sharalarynyń nátıjesinde uıymdasqan qylmystyq toptyń jetekshisin, qylmystyq álemniń «serkesin» ustady, dep habarlaıdy Almaty-akshamy.kz Polisia.kz-ke silteme jasap.
Olar bıyl sáýir aıynda elordanyń túngi klýbtarynyń kúzet qyzmetine yqpal etý salalaryn bólisý úshin bolǵan janjalǵa qatysýy múmkin degen kúdik keltirilip otyr. Osy janjal kezinde atys qarýynan eki adam jaraqat alǵan edi.
Sondaı-aq budan ózge asa iri kólemde alaıaqtyq jasady degen qylmystyq áreket boıynsha qylmystyq toptyń basshysy ustaldy.
Kúdiktiler qamqorlyq kórsetýge jáne Aqmola oblysynyń bıznesmenderiniń arasyndaǵy múliktik daýdy sheshýge ýáde bergen, tólem retinde óńir aýmaǵyndaǵy somasy 150 mln teńge turatyn eki úı men eki kotejdi óz týysqandarynyń atyna resimdeýge kóndirgen.
Ustalǵandar ýaqytsha ustaý ızolátoryna qamaldy. Sotqa deıingi tergeý júrgizilýde jáne olardyń basqa qylmystarǵa qatysynyń bar-joǵy tekserilýde.