Almaty sý aıdyndaryndaǵy muz juqa.
Respýblıkalyq jedel-qutqarý jasaǵynyń bas qutqarýshysy Vadım Paktyń aıtýynsha, kúnniń jylyp, erýine baılanysty ol bosap, aınalasy qaýipti bolýy múmkin, dep habarlaıdy Almaty-akshamy.kz
Jeltoqsandaǵy qysqa merzimdi aıazǵa qaramastan Almaty sý aıdyndaryndaǵy muz juqa.
"Bizdiń qyzmetkerlerimiz juqa muzdyń astyna túsken adamdardy qutqarýda úlken tájirıbege ıe. Osyndaı jaǵdaılardyń biri buǵan deıin Áýejaı kólinde bolǵan. Adamdar joldy qysqartpaq bolyp, kólden ótýge tyrysyp, juqa muz ústimen júrgen. Ol jaryla bastaǵan, abyroı bolǵanda, bizdiń qyzmetkerler jaqyn jerde bolyp, qaıǵyly jaǵdaıdyń aldyn aldy. Kóptegen adamdar jasalǵan eskertýdi elemeıdi, muz ústimen júigirip óte shyqqysy keledi", - dedi Vadım Pak.
Qutqarýshylar balyqshylar men jaıaý júrginshilerge qaýipsizdik sharalary týraly eskertedi. Balalarǵa erekshe nazar aýdarý kerek. Qaıǵyly jaǵdaılardy boldyrmaý úshin boldyrmaý úshin ata-analar olarmen profılaktıkalyq áńgime júrgizip, muzda jáne sý obektileriniń janynda oınaýdan saqtanýy kerek.
Sondaı-aq, qutqarýshy pırotehnıkalyq buıymdardy qaýipsiz paıdalaný týraly eske saldy, olardy úı-jaılardyń ishinde tutatýǵa jáne balkondardan iske qospaýǵa qatań tyıym salynady.
Otshashýdy jaǵý alańy tegis bolýy kerek, onyń ústinde aǵashtar, elektr jelileri jáne basqa kedergiler bolmaýy kerek. Joǵary sapaly ónimderdi paıdalaný qajet.