«Otbasy bank» turǵyn úı naryǵynda baǵanyń ósýine jol bermeý maqsatynda turǵyn úıdi tańdaý jáne brondaý tetigin engizdi
«Otbasy bank» AQ basqarma tóraǵasy Lázzat Ibragımova 2024 jyldyń 11 aıynda qarjy ınstıtýty 32 895 qaryz bergenin baıandady. Jalpy, berilgen nesıe somasy 571 mlrd teńgeni qurady. Onyń ishinde 7 861 qaryz turǵyn úı kezeginde turǵan qazaqstandyqtarǵa berildi. Banktiń óz baǵdarlamalary boıynsha – 25 034, - dep habarlaıdy aqshamnews.kz
Qaryzdardyń 40%-y «Naýryz» jáne «Otaý» baǵdarlamalaryna tıesili, onyń sheńberinde bank jalpy somasy 240 mlrd teńgege 9 370 qaryz berdi. Baǵdarlamalardy ıgerý maýsym aıynda bastaldy, kelesi jyldyń basynda jalǵasady.
«Bıyl eki memlekettik baǵdarlama boıynsha kezekte turǵandarǵa baspana berý isi júrgizildi. Iaǵnı, birinshi baǵdarlama – “Baqytty otbasy” baspaqy jarnasy 10%-dy quraıdy. Oǵan qatysýshylar – erekshe qajettiligi bala tárbıelep otyrǵan azamattar, İ jáne İİ toptaǵy múgedektigi bar jandar, kóp balaly otbasylar jáne jetim balalar. Respýblıka boıynsha 42 mlrd teńgeni quraıtyn 3,5 myń qaryz berildi. Qalǵan 4,5 myń qaryz kezekte basqa sanattar boıynsha turǵan azamattarǵa ekinshi baǵdarlama – “Shańyraq” boıynsha berildi», — dep atap ótti Lázzat Ibragımova.
2024 jylǵy 1 jeltoqsandaǵy jaǵdaı boıynsha Tujyrymdamaǵa qatysýshylarǵa nesıe berý úshin búdjet qarajatynyń qaldyǵy 45 mlrd teńgeni quraıdy. Qalǵan qarajat 2025 jyldyń İ toqsanynda ıgeriledi. Kelesi jylǵa boljamdy qajettilik 80 mlrd teńgeni quraıdy.
«Naýryz» jáne «Otaý» eki iri ıpotekalyq baǵdarlamalardy bir mezgilde iske qosýmen baılanysty «Otbasy bank» turǵyn úı naryǵynda baǵanyń ósýine jol bermeý maqsatynda «Baspana market» jyljymaıtyn múlik portaly arqyly qatysýshylardyń bastapqy turǵyn úıdi tańdaý jáne brondaý tetigin engizdi. Osy tetikke sáıkes qurylys salýshy 12 aı ishinde turǵyn úı qunyn kótermeýi tıis. Qazirgi ýaqytta «Baspana market» portalynda «Naýryz» jáne «Otaý» baǵdarlamalary boıynsha 921 turǵyn úı obektisi, 18 940 páter jarıalanǵan. Olardyń ishinde úzdik 5 qurylys kompanıasy bar.
«2024 jyly Bank “Naýryz” jáne “Otaý” baǵdarlamalaryna barlyǵy 68,7 myń ótinish qabyldady. Bul satyp alý boıynsha naqty suranys kólemi. Baǵdarlamalardy iske asyrý barysynda Soltústik Qazaqstan, Qyzylorda, Pavlodar jáne Atyraý oblystarynda alǵashqy naryqtaǵy turǵyn úıdiń tapshylyǵy baıqaldy, bul jaǵdaı 2025 jyly da qaıtalanýy múmkin. 2025 jyly “Naýryz” baǵdarlamasy boıynsha shyǵarýdyń josparlanǵan kólemi 300 mlrd teńgeni quraıdy», — dedi spıker.