Bul týraly QR Qarjy naryǵyn retteý jáne damytý agenttigi tóraǵasynyń orynbasary Oleg Smoıakov Úkimet otyrysynda málim etti.
Elimizde kolektorlardy qylmystyq jaýapqa tartý múmkindigi qarastyrylyp jatyr, dep habarlaıdy Almaty-akshamy.kz
«Qarjylyq qyzmet tutynýshylarynyń quqyǵyn qorǵaýdy kúsheıtý úshin bıyl bizdiń agenttik zańnamalyq túzetýler engizý bastamasyn kóterdi. Nátıjesinde retteýshilik sıpattaǵy sharalar qabyldandy. Atap aıtar bolsaq, bıyl mamyrda banktik, mıkroqarjy jáne kolektorlyq qyzmetti retteý máseleleri boıynsha zań qabyldandy. Jańa zańda bankter men mıkroqarjy uıymdar aldyndaǵy azamattardyń merzimi ótken bereshegin qaıtarý tártibi qaıta qaralǵan. Sondaı-aq bankterdiń barlyq ıpotekalyq qaryzdar boıynsha syıaqylary, turaqsyzdyq aıyby, komısıalar men ózge de tólemder tóleýdi talap etýine tyıym salý engizilgen», - dedi Oleg Smolákov.
Sonymen qatar agenttik basshysynyń orynbasary kolektorlar úshin qosymsha shekteýler engizilgenin aıtyp ótti.
«Prezıdenttiń tapsyrmasy boıynsha kolektorlyq uıymdardyń zańsyz áreketterinen azamattardyń quqyqtaryn qorǵaý maqsatynda bizdiń agenttik kolektorlyq agenttik qyzmetkerlerine qatysty ákimshilik jáne qylmystyq jaýapkershilikti qarastyrýdy usynyp otyr. Búginde Bas prokýratýra usynys jasalyp, kolektorlar qyzmetin retteýdi qatańdatý boıynsha qosymsha sharalar pysyqtalyp jatyr», - deıdi ol.