Senat depýtaty Nurlan Beknazarov Konstıtýsıalyq reforma jónindegi komısıanyń ekinshi otyrysynda Quryltaı tóraǵasyna qoıylatyn eń negizgi talapty atady, - dep habarlaıdy aqshamnews.kz.
- Quryltaıdy memlekettik tildi erkin meńgergen depýtattar arasynan Quryltaı depýtattarynyń jalpy sanynyń kópshilik daýsymen jasyryn daýys berý arqyly saılanǵan tóraǵa basqarady. Quryltaı tóraǵasy laýazymyna kandıdatýrany QR Prezıdenti usynady, - dedi ol.
Aıtýynsha, Konstıtýsıada Quryltaı tóraǵasynyń qyzmetin retteıtin reglament te naqtylanady.
- Usynystarmen Quryltaıdyń birinshi sesıasyn QR Prezıdenti saılaý qorytyndysy jarıalanǵan kúnnen bastap 30 kúnnen keshiktirmeı shaqyrýy, Quryltaıdyń kezekti sesıalaryn ótkizý merzimi naqtylanǵan, - dedi Nurlan Beknazarov.
Aıta ketý kerek, bul aıtylyp otyrǵan normalardyń bári ázirge usynys qana. Normalardyń qaısysy qabyldanyp, qaısysy Ata zańǵa enbeıtinin referendým sheshedi.