Tegín kásíbı bílím beru men jūmysshy mamandyqtaryn damytu Almaty men jalpy el kólemínde eńbek adamyn qoldap, jastardy jūmyspen qamtudaǵy negízgí qūraldyń bíríne aınaldy. Tehnıkalyq jáne kásíptík bílím berudíń transformatsıyasy, onyń tsıfrlandyru men jahandyq ózgeríster jaǵdaıyndaǵy jańa rólí turaly Almaty tehnologıyalyq kolledjíníń dırektory Erulan Qaraǵūlov Almaty qalasynyń Óńírlík kommunıkatsıyalar qyzmetínde ótken baspasóz konferentsıyasynda aıtyp óttí.
Onyń aıtuynsha, búgínde tehnıkalyq jáne kásíptík bílím beru júıesí túbegeılí betbūrys kezeńín bastan ótkeríp otyr. Būryn TjKB kóbíne qolónerdí, qol eńbegín úıretse, XXI ǵasyrda būl shekara ís júzínde joıyldy. Qazírgí zamanǵy jūmysshy maman oryndaushy ǵana emes, sonymen qatar bílímníń, tehnologıya men ınnovatsıyalyq oıdyń da ıesí boluy kerek.
"Bíz jūmysshy mamandyǵyn "qara jūmys ísteıtín adam" degen eskí túsíníkten aryltyp jatyrmyz bírte-bíte. Qazír aspaz da, elektrık te, tehnolog ta tsıfrlyq qūraldardy meńgeríp, avtomattandyru barysyn túsíníp, óz betímen sheshím qabyldaı aluy kerek. Qazírgí kolledj ótkenníń sheberhanasy emes, bolashaq mamannyń oılau júıesí qalyptasatyn úlken keńístík ol", - deıdí Erulan Qaraǵūlov.
Tsıfrlandyru, avtomattandyru men jasandy ıntellekt búkíl álemde eńbek naryǵyn túbegeılí ózgertíp jatqandyqtan, kásíptík bílím beru júıesí Tórtínshí ónerkásíptík revolyutsıyanyń syn-qaterleríne beıímdeluge májbúr. Oqu protsesíne onlaın-platformalar, vırtualdy sımulyatorlar, VR-trenajerler men naqty óndírístík jaǵdaılardy modeldeuge múmkíndík beretín tsıfrlyq modulder engízílíp jatyr. Ūzaq árí qatań bekítílgen baǵdarlamalardyń ornyna bílím beretín ıkemdí traektorıyalar, mıkrokvalıfıkatsıyalar men qysqa merzímdí kurstar paıda boldy. Būl eńbek naryǵynda sūranysqa ıe daǵdylardy jyldam meńgeruge múmkíndík beredí.
Sonymen qatar ámbebap qūzyretterdí - synı oılau, kreatıvtílík, kommunıkatsıya, komandada jūmys ísteu qabíletí men ekologıyalyq jauapkershílíktí damytu da mańyzdy bola tústí. Mūnyń bárí kásíbı bílím berudíń jańa fılosofıyasyn qalyptastyrady, onda kolledj túlegí ómír boıy oqyp, ózgerísterge beıímdeluge daıyn boluy tıís.
"Búgíngí míndetímíz - tar sheńberdegí mamandy emes, mamandyǵymen bírge damı alatyn tūlǵany dayarlau. Tehnologıya jyldam ózgeredí, sondyqtan kolledjder studentterge kásíptí ǵana emes, jańany jyldam meńgeríp, ınnovatsıyamen jūmys ístep, bolashaqty kóre bílu qabíletín úıretuí kerek", - dep atap óttí kolledj dırektory.
Qazír elde 772 kolledj jūmys ísteıdí, onda 550 myńnan astam student bílím alyp jatyr. Memleket TjKB júıesín ónerkásíptík ósím men ekonomıkany tehnologıyalyq jańǵyrtudyń strategıyalyq resursy retínde qarastyrady. Prezıdent Qasym-Jomart Toqaevtyń bastamasymen jastar men mamandyǵy joq azamattar úshín tehnıkalyq jáne tehnologıyalyq mamandyqtar boıynsha tegín oqytudy qamtıtyn kásíptík bílím berudí jańǵyrtuǵa baǵyttalǵan keshendí jūmystar íske asyryla bastady.
Kolledjderdíń tartymdylyǵy aıtarlyqtaı artty: sońǵy jyldary studentterdíń shákírtaqysy 2020 jylmen salystyrǵanda jalpy alǵanda 100%-ǵa óstí. Kolledj oqytushylarynyń jalaqysy ekí ese ūlǵaıdy, bílíktílíktí arttyru baǵdarlamalary men sheteldík taǵylymdamalar damyp keledí, WorldSkills standarttary engízílíp jatyr.
Infraqūrylymdy jańǵyrtudyń mańyzdy kezeńí - "Jas maman" jobasy boldy. Onyń ayasynda elímízdegí 180 kolledj 100 eń sūranysqa ıe mamandyq boıynsha zamanadyq jabdyqpen qamtamasyz etíldí. Būlar ís júzínde óńírlík qūzyret ortalyqtary men ınnovatsıyalyq zerthanaǵa aınalyp barady.
"“Jas maman” jobasy TjKB júıesí úshín naǵyz serpílís boldy. Bíz álemdík deńgeıdegí jabdyqqa qol jetkízdík, studentterdí naqty tehnologıyalar negízínde oqytuǵa jáne olarda ınjenerlík árí jobalyq oılaudy qalyptastyruǵa múmkíndík tudy", - dedí Erulan Qaraǵūlov.
TjKB transformatsıyasynyń jarqyn mysaly - qonaqjaılylyq ındustrıyasy. Búgínde turızm men meıramhana bıznesí daǵdyny, tehnologıyany, kreatıvtí oılaudy ūshtastyrudy talap etedí. "Jas maman" jobasy ayasynda Almaty tehnologıyalyq kolledjí taǵam tehnologıyalary boıynsha Qūzyret ortalyǵyna aınalyp, WorldSkills standartyna saı jabdyqtarmen - ınduktsıyalyq plıtalardan bastap taǵamdyq 3D-prınterlerge deıín tolyqtyryldy. Studentter tsıfrlyq sımulyatorlar, VR-trenajer men arnauly baǵdarlamalyq qamtamasyz etu arqyly bílím alady.
Sonymen qatar kolledjderdíń janynan oqu-óndírístík alańdar, shaǵyn kásíporyndar, oqu kafelerí, tsehtar men sheberhanalar qūrylyp jatyr. Mūnda studentter tapsyrys berushílermen naqty jūmys ístep, kásípkerlík negízderín meńgeredí. Osylaısha kolledjder bírtíndep qoldanbaly ınnovatsıyalardyń ınkubatoryna aınala bastady.
Qazaqstandaǵy tehnıkalyq jáne kásíptík bílím beru júıesíníń transformatsıyasy búgínde adamı kapıtal men bolashaq ekonomıkasyna salynǵan strategıyalyq ınvestıtsıya retínde qarastyrylady.