Memleket basshysynyń ókimimen Aıbek Serikbaıuly Smadıarov Qazaqstan Respýblıkasy Prezıdentiniń keńesshisi – Prezıdenttiń Baspasóz hatshysy bolyp taǵaıyndaldy, ol burynǵy atqarǵan laýazymynan bosatyldy, dep habarlaıdy aqshamnews.kz Aqordaǵa silteme jasap.
Aıbek Smadıarov II synypty Tótenshe jáne Ókiletti Ýákil dıplomatıalyq dárejege ıe. Qazaq, orys, aǵylshyn jáne túrik tilderin meńgergen. Ol 1983 jylǵy 7 shildede Ońtústik Qazaqstan oblysynda dúnıege kelgen. 2004 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetin bitirgen.
Eńbek jolyn 2005 jyly "Qazaqstandaǵy Qytaı banki" AQ Ákimshilik departamentiniń mamany retinde bastaǵan. 2006 jyldan 2008 jylǵa deıin QR Syrtqy ister mınıstrligi Konsýldyq qyzmet departamentiniń mamany retinde qyzmet atqardy.
2008-2010 jyldary QR SİM Eýropa departamentiniń attashesi jáne úshinshi hatshysy laýazymdarynda jumys istedi.
2010-2012 jyldar aralyǵynda Qazaqstannyń Majarstandaǵy Elshiliginde úshinshi hatshy qyzmetin atqardy.
2012 jyldan 2013 jylǵa deıin QR Prezıdentiniń Baspasóz qyzmetinde sarapshy, al 2013-2014 jyldary QR SİM Syrtqy saıası saraptaý men boljamdaý komıtetiniń birinshi hatshysy laýazymyn atqardy.
2014 jyldan 2018 jylǵa deıin Vetnamdaǵy QR Elshiliginde ekinshi jáne birinshi hatshy qyzmetinde jumys istedi.
2018-2019 jyldary QR SİM baspasóz qyzmetin basqaryp, 2019-2023 jyldar aralyǵynda QR SİM Halyqaralyq aqparat komıteti tóraǵasynyń orynbasary – baspasóz hatshysy laýazymyn atqardy.
2023 jylǵy maýsymnan bastap QR SİM Komýnıkasıalar departamentiniń dırektory – Resmı ókili boldy.
2025 jyly QR SİM Halyqaralyq aqparat komıtetiniń tóraǵasy — Resmı ókili.