Sumdyq oqıǵa ótken jyldyń kúzinde bolǵan
Qostanaı oblystyq qylmystyq ister boıynsha mamandandyrylǵan aýdanaralyq sotynda «Krasnopartızanskoe» baǵbandar qaýymdastyǵy tutynýshylar kooperatıviniń kúzetshilerine qatysty is qaralyp jatyr. Olar sarymsaq urlaýy múmkin dep kúdiktengen adamnyń basyn kesip alyp, órtep jibergen, dep habarlaıdy Almaty-akshamy.kz Azattyq rýhy aqparattyq agenttigine silteme jasap.
Tobolinfo.kz-tiń málimetinshe, «Krasnopartızanskoe» baǵbandar qaýymdastyǵy tutynýshylar kooperatıviniń kúzetshileri 35 jastaǵy Vıktor Dáchenko men 36 jastaǵy Andreı Martynenko «adam óltirdi» dep aıyptalýda.
Belgili bolǵandaı, 2021 jyldyń 5- qyrkúıeginde turǵyndardyń biri alty bas sarymsaq urlanǵanyn habarlaǵan. İshimdik ishken kúzetshiler muny «Krasnopartızanskııdegi» jer teliminiń ıesi Kýzov jasaýy múmkin dep kúdiktengen. Aqyrynda olardyń arasynda janjal bolyp, sońy kisi ólimimen aıaqtaldy.
Qylmysyn jasyrý úshin olar Kýzovtyń denesin bólshektep tastaǵan. Basyn aramen kesip, órtep, denesin úıdiń aýlasyna kómgen. Alaıda eki kúnnen soń máıitti qazyp alyp, Tobylǵa aparyp, qamystyń arasyna tastaǵan.