Álemdegi saıası oqıǵalarǵa baılanysty uıymnyń basshysy osyndaı sheshim qabyldaǵan
UFC promoýsheninde synǵa túsip júrgen qazaq bahadúrleri budan bylaı elimizdiń kók týymen oktagonǵa shyǵa almaıdy, dep habarlaıdy Almaty-akshamy.kz Vesti.kz-ke silteme jasap.
Jalpy atalmysh uıymda Qazaqstan atynan shyǵyp júrgen otandastarymyz saýsaqpen sanarlyq. Olar álemdegi eń myqty promoýsheninde alǵashqy qadamdaryn endi-endi jasap keledi. Kez-kelgen sportshy úshin, sonyń ishinde qazaq sarbazdary úshin halyqaralyq jarystarda kók týmen shyǵý asa mańyzdy. Sebebi ulttyq naqyshtaǵy atrıbýtıkalarymyz sportshylarymyzǵa qosymsha kúsh beredi. Jaýapkershilikteri artady.
Alaıda budan bylaı álemde bolyp jatqan saıası oqıǵalarǵa baılanysty uıymnyń prezıdenti Dana Ýaıt lıganyń barlyq sportshysyna óz elderiniń týymen oktagon ishine attap basýǵa ruqsat bermedi.
Jýyrda reseılik Petr Ian keshtiń basty aıqasyna shyǵar aldynda Reseı týynsyz shyqty. Uıymdastyrýshylar kópshilik aldynda arandatýshylyq bolmasyn degen oımen Ianǵa aldyn ala eskertý jasaǵan. Nátıjesinde reseılik sportshy týsyz shyqty. Sol sekildi endi qazaq MMA sheberleri de ulttyq naqyshtaǵy bas kıimdermen shyqqanymen, kók týdy segiz buryshqa alyp kire almaıtyn boldy.