Qostanaı oblysynda kóshi-qon qyzmetine tirkeletin sheteldikter sany sońǵy kúnderi úsh ese artqan.
Bul týraly osy salaǵa jaýapty mamandar málimdedi. Mundaı jaǵdaı Reseıde ishinara mobılızasıa jarıalanǵannan keıin qalyptasyp otyr, dep habarlaıdy Almaty-akshamy.kz.
Halyqqa qyzmet kórsetý ortalyqtarynda da olardyń qarasy kóbeıgen. Reseılikter JSN, elektrondy qoltańba jáne ýaqytsha turý tirkeý qujattaryn alyp jatyr. Shekaradan ótken sheteldikti qabyldap alýshy jaq úsh kún ishinde kóshi-qon polısıasyn habarlandyrý arqyly tirkeýge tıis. Al tirkeýge turmaǵandardy polısıa anyqtap, tıisti shara qoldanady.
«Ony polısıa organdary qyzmetkerleri reıd kezinde nemese árbir ýchaskege kelgende báribir kóredi. Eger tirkeýde bolmasa, ony anyqtap, qadaǵalap otyrady», - deıdi oblystyq PD kóshi-qon qyzmetiniń bólim bastyǵy Gúljanat Kúdebaeva.