Tintý barysynda úsh er adam ustaldy.
Ustalǵandardyń biri Almaty qalasynyń, qalǵan ekeýi İle aýdanynyń turǵyny ekeni belgili boldy, dep habarlaıdy Almaty-akshamy.kz.
Olar Qonaev qalasynan bes shaqyrym jerde qorshalǵan aýmaqta eshkim turmaıtyn eki úıde jasyryn esirtki zerthanasyn uıymdastyrǵan.
Atalǵan jerde mefedron óndiretin arnaıy qondyrǵylar ornatylǵany anyqtaldy. Tekserý barysynda kóptegen plasıkalyq ydys pen untaq tárizdi zat jáne arnaıy ólshegish quraldar tabyldy.
Tabylǵan zattar arasynan 52,82 gram untaqtyń zerthanalyq tekserý barysynda mefedron ekeni anyqtaldy. Sondaı-aq 2 tonnaǵa jýyq hımıalyq suıyqtyq tárkilendi.
«QR QK 297 baby boıynsha tergeý amaldary júrgizilýde. Kúdiktilerdiń biri qamaýǵa alynyp, qalǵan ekeýinen mindetti kelý týraly qolhat alyndy», - delingen Almaty oblystyq polısıa departamentiniń aqparatynda.