Dárigerler Máskeýde koronavırýs juqtyrǵan bes pasıentten «Kentavr» degen kishi túrin tapty.
Barlyq naýqastarda aýrý jeńil túrde ótýde. Naýqastar arasynda aýrýhanaǵa jatqyzylǵandar joq. Sońǵy eki aptada Reseıde anyqtalǵan koronavırýstyq ınfeksıany juqtyrý jaǵdaılarynyń ishinde «omıkronnyń» kishi túrleri - BA.4 jáne BA.5 shtamdarynyń úlesi 51,76%-ke jetti, dep habarlaıdy Almaty-akshamy.kz COVID-19 taralýyna jol bermeý jónindegi VAK-tyń Telegram kanalyna silteme jasap.
Omıkronnyń ózi jaǵdaılardyń 1,85%-inde, Delta nusqasy 0,73%-inde anyqtalǵan.
"Kentavr" - "omıkron" koronavırýs shtamynyń jańa kishi túri. Bul koronavırýstyq mýtasıa Úndistanda jáne kem degende on elde, sonyń ishinde Nıderlandy, Avstralıa, Germanıa, Ulybrıtanıa, AQSH jáne Kanadada tabyldy.
Al Qytaıdaǵy Szánsı provınsıasynda aqqýlardyń koronavırýs juqtyrý jaǵdaıy alǵash ret tirkeldi. AQSH bıologıa ǵylymdarynyń doktory qustardaǵy koronavırýsty anyqtaý COVID-19-da odan da qaýipti mýtasıaǵa ákelýi múmkin dep eskertti. Sonymen qatar, qonys aýdaratyn qustardyń ómir saltyna baılanysty aqqýlar qysqa merzimde bul mýtasıalardyń keń qashyqtyqqa taralýyna yqpal etýi múmkin. Ǵalymdar koronavırýstyq ınfeksıadan qorǵanýdyń jalǵyz ádisi - vaksınalaý ekenin aıtady.